Aldís Þorbjörg Ólafsdóttir, sálfræðingur

Aldís Þorbjörg, sálfræðingur, sinnir greiningu og meðferð á sálrænum vanda hjá unglingum og fullorðnum. Svo sem kvíða, streitu, þunglyndi, lágu sjálfsmati og áföllum. 

 

Aldís Þorbjörg lauk cand.psych prófi í sálfræði frá Háskóla Íslands árið 2014. Hún hlaut starfsþjálfun hjá Barna- og unglingageðdeild Landspítalans þar sem hún sinnti greiningu og meðferð á sálrænum vanda hjá unglingum.

Þekking á málefnum hinsegin fólks:

Aldís Þorbjörg hefur starfað sem ráðgjafi hjá samtökunum ´78 síðastliðin ár og hefur þekkingu á málefnum hinsegin fólks. Aldís hefur reynslu af því að starfa með einstaklingum sem eru að koma út úr skápnum, opna á hugsanir og tilfinningar sem tengjast kynhneigð, kynvitund eða ólíkum sambandsformum. Einnig einstaklingum sem eru að takast á við erfiðleika í fjölskyldu- eða ástarsamböndum, BDSM hneigðum einstaklingum og aðstandendum hinsegin fólks. 


Samkenndarmiðuð meðferð, HAM og EMDR:

Aldís Þorbjörg hefur setið vinnustofur um samkenndarmiðaða meðferð (compassion focused therapy) og hugræna atferlismeðferð (cognitive behavioral therapy). Aldís hefur lokið þjálfun í notkun EMDR við áföllum.

Para og kynlífsráðgjöf:

Aldís Þorbjörg,  sinnir einnig para- og kynlífsráðgjöf. Hún lauk framhaldsnámi í para- og kynlífsráðgjöf við Michigan Háskóla (University of Michigan) árið 2020. 

Pararáðgjöf er ætluð pörum til að leysa úr ágreiningi, byggja upp traust og nánd.

 Kynlífsráðgjöf er ætluð bæði pörum og einstaklingum sem eru að takast á við vanda sem tengist kynlífi eða nánd. Ýmislegt getur leitt pör eða einstakling í kynlífsráðgjöf svo sem ólík löngun í kynlíf, sársauki við kynlíf, fullnægingarvandi, seinkað sáðlát og risvandi. En einnig getur kynlífsvandi verið tilkomin vegna álags eða áfalla. 

Aldís veitir áfallameðferð samhliða kynlífsráðgjöf þegar við á. 

 Aldís hefur starfað á Domus Mentis Geðheilsustöð frá 2018 en hún hefur einnig starfað sem ráðgjafi fyrir Samtökin '78 frá 2016.

© 2019 | DOMUS MENTIS - Geðheilsustöð | 581-1009  |  dmg@dmg.is