Edda Sigfúsdóttir, sálfræðingur

Edda Sigfúsdóttir sálfræðingur sinnir greiningu og meðferð á sálrænum vanda hjá fullorðnum og ungmennum. Hún sinnir m.a. kvíðameðferðum, þunglyndismeðferð, meðferð við lágu sjálfsmati og áfallastreituröskun.

 

​​Hugræn atferlismeðferð:

Edda beitir gagnreyndum aðferðum við greiningu og meðferð og styðst fyrst og fremst við hugræna atferlismeðferð (HAM). Hún nýtir gagnreynd mælitæki til að mæla árangur meðferðar.

 
Menntun:

Edda lauk BA prófi í sálfræði frá Háskólanum á Akureyri 2014. Hún starfaði svo í nokkur ár á Þroska- og hegðunarstöð sem inntökustjóri. Eftir það starfaði hún í félagsþjónustu og barnavernd og sinnti einnig ráðgjafavinnu fyrir ungmenni. Hún útskrifast með Msc gráðu í klínískri sálfræði vorið 2020 frá Háskólanum í Reykjavík. Í náminu hlaut hún fjölbreytta klíníska reynslu undir handleiðslu reyndra sálfræðinga frá þremur ólíkum stöðum. Fyrst í sálfræðiþjónustu Háskólans í Reykjavík þar sem hún sinnti m.a. meðferðum á félagskvíða, frammistöðukvíða, lágu sjálfsmati, þunglyndi og almennri kvíðaröskun. Því næst á Þjónustumiðstöð Laugardals- og Háaleitis þar sem hún öðlaðist reynslu í greiningarvinnu á geðröskunum barna. Að lokum á göngudeild Landspítala þar sem hún var aðallega í geðhvarfateymi og sinnti greiningum og meðferðum við ýmsum geðrænum vanda. Hún hefur öðlast þjálfun og reynslu í notkun hugrænnar atferlismeðferðar. Hún hefur einnig sótt ýmis námskeið og fengið tækifæri til að sitja málstofur og vinnustofur framúrskarandi fræðimanna um greiningu og meðferð sálræns vanda. Edda hefur sömuleiðis lokið bóklegum hluta náms sem veitir sérfræðivottun í atferlisgreiningu (Board Certified Behaviour Analyst Examination).

 

Handleiðsla:

Edda sækir reglulega handleiðslu og nýtur ráðgjafar frá sérfræðingum og samstarfsfólki sem starfar á mismunandi sviðum geðheilbrigðisþjónustu.

© 2019 | DOMUS MENTIS - Geðheilsustöð | 581-1009  |  dmg@dmg.is