Ísold Eygló Snæbjörnsdóttir

Ísold sinnir greiningu og meðferð á sálrænum vanda hjá ungmennum og fullorðnum. Ísold notast fyrst og fremst við meðferðarnálgun hugrænnar atferlismeðferðar og gagnreynd mælitæki til að meta árangur meðferðar.

Ísold leggur áherslu á að veita einstaklingsmiðaða sálfræðiþjónustu. Hún sinnir meðal annars meðferð vegna kvíða, þunglyndis, lágs sjálfsmats, neysluvanda, sorg, afleiðingum áfalla og samskiptavanda.

Fjarviðtöl
Ísold býður upp á fjarþjónustu fyrir þá sem það kjósa gegnum öruggan fjarfundabúnað sem heitir Kara Connect.

Menntun og starfsreynsla
Ísold lauk BSc námi í sálfræði frá Háskóla Íslands árið 2022 og meistaranámi í klínískri sálfræði frá Háskóla Reykjavíkur vorið 2025 og hlaut starfsleyfi sem sálfræðingur sama ár. Hefur hún einnig lokið diplómunámi frá Háskólanum á Akureyri í heilbrigðisvísindum með áherslu á sálræn áföll og ofbeldi vorið 2023.

Í meistaranáminu öðlaðist hún fjölbreytta reynslu í starfsnámi sínu á Domus Mentis Geðheilsustöð og á fíknigeðdeild Landspítalans. Á námstímanum leiddi hún einnig námskeiðið „Mér líður eins og ég hugsa“ fyrir háskólanema.

Í dag starfar Ísold á fíknigeðdeild Landspítala og á Domus Mentis Geðheilsustöð.

Ísold hefur starfað undanfarin ár á Landspítalanum, bæði á geðsviðinu á Legudeild lyndisraskana og á endurhæfingardeildinni Grensás. Einnig hefur hún starfað hjá Rauða Kross Íslands í tengslum við geðheilsu ungmenna og á geðsviði á Sjúkrahúsinu á Akureyri.

Hún hefur sótt ýmis námskeið á vegum Landspítala líkt og áfallahjálp fyrir fagaðila í geðþjónustu, sjálfsvígsforvarnir og sálrænn stuðningur. Að lokum hefur Ísold komið að verkefnum og setið fræðslur hjá Rauða kross Íslands frá árunum 2020 til 2023 í tengslum við geðheilbrigðismál.

Handleiðsla
Ísold sækir reglulega handleiðslu og nýtur ráðgjafar frá sérfræðingum og samstarfsaðilum.