Einstaklingsþjónusta

Viðtöl geta verið á staðnum og einnig sem fjarviðtal. Hjá Domus Mentis styðjumst við ávallt við gagnreyndar sálfræðimeðferðir til að stuðla að bættri geðheilsu. Þar má fyrst telja Hugræna atferlismeðferð (HAM) sem er ein þekktasta og mest rannsakaða sálfræðimeðferðin. Í stuttu máli má segja að í HAM er skoðað samband hugsana, tilfinninga og hegðunar. Meðferðin hjálpar einstaklingum að bera kennsl á neikvæðar eða skekktar hugsanir og hafa áhrif á þær með það að markmiði að bæta tilfinningalegt ástand og draga úr óæskilegri hegðun. HAM er gagnleg við meðhöndlun kvíða, þunglyndis, áfallastreitu (PTSD), átraskana og margra annarra vandamála.

Sátt- og skuldbindingarmeðferð (ACT)

Sátt- og skuldbindingarmeðferð (Acceptance and Commitment Therapy, ACT) er nýlegri sálfræðimeðferð sem hefur reynst vel meðal annars til að vinna með fólki sem glímir við vanda eins og svo sem streitu og líkamleg veikindi.

​

Áfallamiðuð hugræn atferlismeðferð 

Áfallamiðuð hugræn atferlismeðferð, meðal annars Hugræn úrvinnslumeðferð, er sérstaklega þróuð til að vinna með einstaklinga sem hafa orðið fyrir áföllum. Hún byggir á HAM og er aðlöguð að þörfum þeirra sem glíma við áfallastreituröskun eða aðrar afleiðingar áfalla. Í meðferðinni lærir einstaklingurinn að vinna úr áfallinu með öruggum hætti og þróar aðferðir til að takast á við áfallatengd einkenni.

​

Gagnreyndar sálfræðimeðferðir eru öflugt verkfæri

​

Það er mikilvægt að leita sér aðstoðar hjá fagfólki þegar einstaklingur upplifir andlega erfiðleika. Gagnreyndar sálfræðimeðferðir bjóða upp á leiðir til að ná bata og bæta líðan. Með því að vinna með reyndum sálfræðingi er hægt að velja meðferð sem hentar best aðstæðum og markmiðum hvers og eins.

 Með því að velja rétta meðferð og styðjast við gagnreynda nálgun er hægt að auka líkur á jákvæðum breytingum og betri líðan.

 

Til þess að gagnreynd meðferð verði markviss er mikilvægt að kortleggja vel þann vanda sem skal vinna með. Oft hefst því samvinna við sérfræðing  á greiningarviðtali.

​Hægt er að bóka sérstakt greiningarviðtal hjá Domus Mentis áður en eiginleg meðferð hefst en slík viðtöl eru 90 mín. En almennt má gera ráð fyrir því að í fyrsta viðtali við sérfræðing sé vandinn kortlagður og farið yfir hver markmið meðferðar eru. 

Margir þeirra sem leita til Domus Mentis glíma ekki endilega við klínískan vanda. Fæstir komast í gegnum lífið án þess að þurfa reglulega að takast á við krefjandi aðstæður sem geta haft verulega áhrif á líðan fólks. Þar geta samtalsmeðferðir komið að góðum notum. Markmiðið er ekki endilega að vinna með klíníska greiningu, heldur að styðja einstaklinginn við að skilja eigin líðan og viðbrögð, finna leiðir til að bæta eigin lífsgæði og vinna með núverandi aðstæður.

Samtalsmeðferð getur hjálpað fólki að:

• Kanna samband tilfinninga sinna og hugsana.

• Þróa jákvæðar aðferðir til að takast á við streitu eða álag.

• Greina eigin gildi og markmið.

• Finna lausnir á samskiptavanda eða persónulegum málum.

• Byggja upp betri sjálfsþekkingu og sjálfsstyrk.

Samtalsmeðferð er einstaklingsmiðuð sérfræðingur Domus Mentis tekur mið af þeim þörfum sem hver einstaklingur hefur. Það er ekki nauðsynlegt að upplifa djúpstæða vanlíðan til að leita sér samtalsmeðferðar – það getur verið gagnlegt fyrir alla sem vilja skoða líf sitt frá nýju sjónarhorni og auka  lífsánægju sína.