Tveggja daga vinnustofa með Dr. Christie Jackson, forseta STAIR Institute

Domus Mentis Geðheilsustöð býður upp á tveggja daga hagnýta vinnustofu í E-STAIR (Enhanced Skills Training in Affective and Interpersonal Regulation), í samstarfi við STAIR Institute.

E-STAIR er heildstæð, einstaklingsmiðuð sálfræðileg meðferð sem byggir á gagnreyndum aðferðum og er sérstaklega þróuð fyrir einstaklinga sem hafa orðið fyrir flóknum eða langvarandi áföllum. Meðferðin tekur meðal annars á erfiðleikum í tilfinningastjórnun, sjálfsmynd og mannlegum samskiptum, auk úrvinnslu áfallaminninga.

Á vinnustofunni verður lögð áhersla á hagnýta þjálfun og tengingu fræðilegrar þekkingar við klíníska vinnu. Þátttakendur kynnast fjórum meginþáttum E-STAIR:

• Tilfinningastjórnun

• Jákvæðri sjálfsmynd

• Færni í mannlegum samskiptum

• Frásagnarmeðferð (Narrative Therapy)

Leiðbeinandi: Dr. Christie Jackson, klínískur sálfræðingur í New York og forseti STAIR Institute, með víðtæka reynslu af rannsóknum, kennslu og handleiðslu í áfallamiðaðri meðferð.

Markhópur: Sálfræðingar og félagsráðgjafar.

Dagsetningar: 28.–29. janúar 2027

Tími: Kl. 8:30–16:00 báða daga

Staðsetning: Háteigskirkja, Reykjavík

Þátttökugjald: 135.000 kr.

Skráning fer fram rafrænt og reikningur verður sendur á skráðan greiðanda. Fjöldi þátttakenda er takmarkaður.

​

​

​

​