Helga Margrét Rúnarsdóttir

Sálfræðimeðferð

Helga Margrét sinnir sálfræðimeðferð fullorðinna og styðst fyrst og fremst við hugræna atferlismeðferð (HAM) og aðrar gagnreyndar aðferðir. Hún leggur áherslu á einstaklingsmiðaða nálgun og sinnir meðal annars meðferð vegna kvíða, þunglyndis, lágs sjálfsmats, samskiptavanda, sorgar og áfallatengds vanda.

Menntun og starfsreynsla
Helga Margrét lauk BSc námi í sálfræði frá Háskólanum í Reykjavík árið 2023 og meistaranámi í klínískri sálfræði frá sama skóla vorið 2026. Í náminu öðlaðist hún fjölbreytta klíníska reynslu undir handleiðslu reyndra sálfræðinga, meðal annars hjá Sálfræðiþjónustu Háskólans í Reykjavík og DAM-teymi Landspítala. Hún leiddi einnig HAM-námskeið við streitu á vegum Heilsugæslu höfuðborgarsvæðisins.
Áður starfaði Helga Margrét sem ráðgjafi á legudeild geðrofssjúkdóma á Landspítala, þar sem hún öðlaðist reynslu af starfi með einstaklingum sem glíma við alvarlegan og fjölþættan geðrænan vanda.

Helga Margrét hefur jafnframt sótt frekari námskeið og vinnustofur í Acceptance and Commitment Therapy (ACT), meðal annars með áherslu á kvíða, þunglyndi og áfallatengdan vanda. Auk þess hefur hún sótt fjölbreytt námskeið á vegum Landspítala sem tengjast geðheilbrigði og klínísku starfi.

Handleiðsla
Helga Margrét sækir reglulega handleiðslu og nýtur ráðgjafar frá sérfræðingum og samstarfsfólki eftir þörfum.