Rakel Matthíasdóttir

Rakel er meistaranemi í klínískri sálfræði við Háskólann í Reykjavík og er í starfsþjálfun hjá Domus Mentis Geðheilsustöð núna í haust 2026. Hún hefur einnig lokið meistaranámi í lýðheilsuvísindum (MSc in Public Health Sciences) frá Karolinska Institutet í Stokkhólmi, Svíþjóð. Rakel hefur sérstakan áhuga á að vinna með kvíða og kvíðatengdan vanda.

Rakel hefur undanfarin ár starfað á Landspítalanum, meðal annars á legudeild fyrir einstaklinga með geðrofssjúkdóma. Hún hefur einnig starfað hjá Rauða krossinum við sálrænan stuðning og sem ritari Barnaverndar á Velferðarsviði Kópavogsbæjar. Samhliða námi hefur hún starfað sem aðstoðarkennari við Háskólann í Reykjavík og komið að ýmsum rannsóknarverkefnum, meðal annars rannsókninni Geðheilsa karla og kvenna á Íslandi.

Rakel hefur jafnframt sótt fjölbreytt námskeið á vegum Landspítalans, meðal annars í áhugahvetjandi samtölum, sjálfsvígsforvörnum og viðbrögðum við ofbeldi.
Fyrstu tvö viðtöl hjá Rakel eru gjaldfrjáls en kosta eftir það 10.000 kr.