581-1009
Silja Runólfsdóttir
Sálfræðingur
Silja sinnir greiningu og meðferð á ungmennum og fullorðnum. Sinnir hún meðal annars meðferð við kvíða, þunglyndi og lágu sjálfsmati.
Menntun
Silja lauk BSc prófi í sálfræði við Háskólann í Reykjavík árið 2013. Fór hún í framhaldinu í félags- og afbrotafræði við Háskóla Íslands og lauk þaðan MA gráðu í júní 2017. Silja útskrifaðist með MSc gráðu í klínískri sálfræði við Háskólann í Reykjavík vorið 2019.
Silja öðlaðist fjölbreytta klíníska reynslu undir handleiðslu reyndra sálfræðinga í starfsnámi sínu en starfsnám sótti hún á þrjá staði, skólaskrifstofu Mosfellsbæjar, Domus Mentis geðheilsustöð og á taugasviði Reykjalundar. Í gegnum nám og starf hefur Silja fengið tækifæri til að sitja málstofur og ýmis námskeið í umsjón framúrskarandi fræðimanna á sviði greininga og meðferðar sálræns vanda.
Silja starfar fyrir Domus Mentis bæði á Selfossi sem og í Þverholti 14. Býður hún upp á staðviðtöl og fjarviðtöl.
Handleiðsla
Silja sækir reglulega handleiðslu.
Hugræn atferlismeðferð
Í meðferð og við greiningu beitir Silja gagnreyndum aðferðum og styðst hún fyrst og fremst við hugræna atferlismeðferð (HAM) og hugræna úrvinnslumeðferð (HÚM) ef vinna á með afleiðingar áfalla. Þá nýtir hún gagnreynd mælitæki til að mæla árangur meðferðar.